وزیراعظم عمران خان دی صدارت اچ پاک چین اقتصادی راہداری تحت جاری مختلف منصوبیں تے پیشرفت د اجائزہ گھنڑ سانگے اعلیٰ سطحی دااجلاس اقتصادی راہداری تحت مختلف شعبیں اچ جاری منصوبیں کوں مقررہ مدت اچ مکمل کرنڑ پہلی ترجیح ہے‘ منصویں تے بلاتعطل پیش رفت کوں یقینی بناونڑ کیتے سی پیک اتھارٹی بنڑائی ویندی پی ہے، سی پیک مکمل تھیونڑ نال نہ صرف ڈوہائیں ملک بلکہ پورا خطہ فائدے چیسی، وزیراعظم عمران خان

اسلام آباد ۔ 19 اگست (اے پی پی) وزیراعظم عمران خان دی صدارت اچ سنوار کوں پاک چین اقتصادی راہداری تحت جاری مختلف منصوبیں تے پیشرفت د اجائزہ گھنڑ سانگے ہک اعلیٰ سطح دااجلاس تھیا۔اجلاس توں خطاب کریندے ہوئیں وزیراعظم آکھیا جواقتصادی راہداری تحت مختلف شعبیں اچ جاری منصوبیں کوں مقررہ مدت اچ مکمل کرنڑ پہلی ترجیح ہے‘ منصویں تے بلاتعطل پیش رفت کوں یقینی بناونڑ کیتے سی پیک اتھارٹی بنڑائی ویندی پی ہے، سی پیک مکمل تھیونڑ نال نہ صرف ڈوہائیں ملک بلکہ پورا خطہ فائدے چیسی ۔ اجلاس اچ وزیر منصوبہ بندی مخدوم خسرو بختیار، وزیر مواصلات مراد سعید، وزیر توانائی عمر ایوب خان، مشیر تجارت عبدالرزاق داود، معاون خصوصی ڈاکٹر فردوس عاشق اعوان، معاون خصوصی ندیم بابر، چیئرمین سرمایہ کاری بورڈ، متعلقہ وفاقی وزارتاں دے سیکرٹری صاحبان، چیف سیکرٹری پنجاب، چیف سیکرٹری بلوچستان، ایڈیشنل چیف سیکرٹری خیبرپختونخوا تے بئے سینئر افسراں شرکت کیتی۔ وزیر منصوبہ بندی مخدوم خسرو بختیار اجلاس کوں پاک چین اقتصادی راہداری تحت توانائی، انفراسٹرکچر، پاکستان ٹیلی ویژن کوں ڈیجیٹل بناونڑ دے منصوبے، اورنج لائن، ایم ایل -ون، گوادر پورٹ اتے بئے اہم منصوبیں تے ہنڑ تئیں تھیونڑ آلی پیش رفت بارے ڈسایا۔