وزیراعظم دے کلین اینڈ گرین منصوبے تے تکھے کم جاری ہے،وزیر مملکت زرتاج گل

اسلام آباد ۔ 18 ستمبر (اے پی پی) وزیر مملکت موسمیاتی تبدیلی زرتاج گل آکھیے جو وزیراعظم دے کلین اینڈ گرین منصوبہ تے تکھے کم جاری ہے ، وزارت عوام کوں صفائی ستھرائی بارے ڈساونڑ سانگے کم کریندی پی ہے۔ ایہ گالھ انہاں بدھ کوں یونیسف دے زیر انتظام ”سینیٹیشن مارکیٹ شیپنگ“ دے موضوع تے تھیونڑ آلے ڈوڈینھاں دے سیمینار دی افتتاحی تقریب توں خطاب کریندے ہوئیں آکھی۔ زر تاج گل آکھیا جوانہاں دی وزارت عوام اچ صفائی ستھرائی بارے ڈساونڑ سانگےسبھ توں ودھ توجہ ڈیندی پی ہے،کیونجو بیماریاں کھنڈنڑ دی وڈی وجہ ماحول دا ستھرا نہ ہونڑ ہے۔ انہاں آکھیا جو بئے مسئلیاں آلی کار لیٹریناں دا نہ ہونڑ اتے سیوریج وی وڈے مسئلے ہن، دیہاتی علاقیاں اچ رہونڑ آلے لوکیں دی ودھ ساری تعدا د کنوں صاف لیٹرین دی سہولت کائنی۔ انہاں آکھیاجو ضرورت ایں گالھ دی ہے جو معاشرے دا ہر بندہ سینی ٹیشن بارے چنگی طرح واقف ہوئے اتے اوہ اپنڑے نیڑے تیڑے دے ماحول کوں صاف رکھنڑ۔