پاکستان آرمینیا ولوں متنازعہ خطے دی جغرافیہ، آبادی، معاشی، سماجی اتے ثقافتی سنجھانڑ اتے ادارہ جاتی ڈھانچا بد لنڑ دے یکطرفہ اقدام دی مخالفت کریندے، آرمینیا اقوام متحدہ دی سلامتی کونسل دی متعلقہ قرارداں تے عمل درآمد کوں یقینی بنڑیندے ہوئیں ’نگورنو کارا باخ‘ توں اپنڑیاں فوجاں دا انخلاءکریسی اتے عالمی قنون دے اصولاں دی پاسداری کریندے ہوئیں مسئلہ حل کرے اتے آذربائیجان دی جغرافیائی سالمیت اتے خودمختاری دا احترام کرے وزیر خارجہ مخدوم شاہ محمود قریشی دااو آئی سی رابطہ گروپ دے “جمہوریہ آذربائیجان تے جمہوریہ آرمینیا دی جارحیت” دے موضوع تے منعقدہ اجلاس توں خطاب

نیویارک ۔ 23 ستمبر (اے پی پی)وزیر خارجہ مخدوم شاہ محمود قریشی آکھیے جو پاپاکستان آرمینیا ولوں متنازعہ خطے دی جغرافیہ، آبادی، معاشی، سماجی اتے ثقافتی سنجھانڑ اتے ادارہ جاتی ڈھانچا بدلنڑ دے یکطرفہ اقدام دی مخالفت کریندے، آرمینیا اقوام متحدہ دی سلامتی کونسل دی متعلقہ قرارداں تے عمل درآمد کوں یقینی بنڑیندے ہوئیں ’نگورنو کارا باخ‘ توں اپنڑیاں فوجاں دا انخلاءکریسی اتے عالمی قنون دے اصولاں دی پاسداری کریندے ہوئیں مسئلہ حل کرے اتے آذربائیجان دی جغرافیائی سالمیت اتے خودمختاری دا احترام کرے۔ انہاں خیالیں دا اظہار وزیر خارجہ اقوام متحدہ جنرل اسمبلی دے 74 ویں اجلاس دے موقع تے اسلامی تعاون تنظیم او آئی سی دے رابطہ گروپ دے “جمہوریہ آذربائیجان تے جمہوریہ آرمینیا دی جارحیت” دے موضوع تے منعقدہ اجلاس توں خطاب کریندے ہوئیں کیتا۔ انہاں آکھیا جو پاکستان آرمینیا ولوں متنازعہ خطے دی جغرافیہ، آبادی، معاشی، سماجی اتے ثقافتی سنجھانڑ اتے ادارہ جاتی ڈھانچے دی تبدیلی دے یک طرفہ اقدام دی مخالفت کریندے۔ انہاں آکھیا جو 1994ءتوں جاری جھیڑے پاروں خطے دے 10 لکھ لوک نہ صرف بے گھر تھئے بلکہ بئے ملکاں ہجرت یا مقامی طورتے نقل مکانی توں اپنڑے ہی ملک اچ مہاجر بنڑن تے مجبور تھئے۔ انہاں امید ظاہر کیتی جو بین الاقوامی برادری آرمینیا کوں مقبوضہ آزیری علاقیا ں توں واپسی، نگورونو کارا باخ اتے ایندے نیڑے دے علاقیاں توں افواج دے انخلاء سانگے آکھ تے ایں مسئلے دے حل کیتے اپنڑاں کردار ادا کریسی اتے مقامی طورتے نقل مکانی کرنڑ آلیاں اتے مہاجراں دی اپنڑے گھراں کوں واپسی یقینی بنڑائی ویسی۔