مقبوضہ کشمیر اچ خونریزی دا خطرہ ہے ، دنیاکو ں ایں توں بچنڑ سانگے فعال کردار ادا کرنڑ پوسی، دنیا کو ں مقبوضہ کشمیر اچ بھارت دے غیر قنونی تسلط، یکطرفہ اقدامات اتے اتھاں تھیونڑ آلیاں انسانی حقوق دیاں خلاف ورزیاں بارے ڈساونڑ آیا ہاں،پاکستان افغانستان اچ امن چاہندے، وزیر اعظم عمران خان دی نیو یارک ٹائمز اخبار دے ادارتی بورڈ نال گالھ مہاڑ

نیویارک۔ 25 ستمبر (اے پی پی)وزیر اعظم عمران خان آکھیے جو مقبوضہ کشمیر اچ خونریزی دا خطرہ ہے ، دنیاکو ں ایں توں بچنڑ سانگے فعال کردار ادا کرنڑ پوسی، دنیا کو ں مقبوضہ کشمیر اچ بھارت دے غیر قنونی تسلط، یکطرفہ اقدامات اتے اتھاں تھیونڑ آلیاں انسانی حقوق دیاں خلاف ورزیاں بارے ڈساونڑ آیا ہاں،پاکستان افغانستان اچ امن چاہندے اتے امن عمل دی مکمل حمایت کریندے۔ بدھ کوں نیو یارک اچ معروف اخبار نیو یارک ٹائمز دے ادارتی بورڈ نال گالھ مہاڑکریندے ہوئیں وزیر اعظم آکھیا جو امریکہ اچ رہونڑ دوران دنیا کو ںبھارت دے غیر قنونی اتے جموں و کشمیر تے یکطرفہ تسلط اتے اتھاں تھوینڑ آلیاں انسانی حقوق دی خلاف ورزیاں بارے ڈسائے۔ انہاں آکھیا جو اتھاں ایں سانگے آیا ہاں جو دنیا کو ںڈسا سگاں جو ہندوستان بین الاقوامی قوانین دی خلاف ورزی کر یندا پئے۔افغانستان توں متعلق وزیر اعظم آکھیا جو پاکستان افغانستان اچ امن چاہندے اتے امن عمل دی مکمل حمایت کریندے۔