وزیراعظم عمران خان دے اقتدار دے ہک سال اچ عالمی سطح تے پاکستان دا کردار ابھر دے سامنڑے آئے، پاکستان ذمہ دار عالمی سانجھدار دی حیثیت نال اپنڑیں جاءبنڑائی اتے اپنڑے بیانیے دے نال امن پسند ملک ہونڑ دا پیغام دنیا تئیں پجائے ، پاکستان ولوں عالمی رہنماواں کوں ڈوٹوک پیغام ڈتا گئے، ماضی دی ڈرامے بازیاں آلی کار ہنڑ پاکستان دنیا اچ مذاق یا تماشائی ملک نی رہیا، بلکہ ایہ فعال، سانجھداراتے ذمے دار ملک ہے ،جیرھا جوماضی دی پالیسی اچ وڈی تبدیلی ہے ،جیں ودھ ساری اہمیت حاصل کر گھدی ہے برطانیہ دے آن لائن اخبار ”انڈیپینڈنٹ“ دا وزیراعظم عمران خان دی ہک سال دی کارکردگی بارے آرٹیکل

اسلام آباد ۔ 26 ستمبر (اے پی پی)وزیراعظم عمران خان دے اقتدار دے ہک سال اچ عالمی سطح تے پاکستان سا کردار ابھر تے سامنڑے آئے،پاکستان ذمہ دار عالمی سانجھدار دی حیثیت نال اپنڑیں جاءبنڑائی اتے اپنڑے بیانیے دے نال امن پسند ملک ہونڑ دا پیغام دنیا تئیں پجائے ، پاکستان ولوں عالمی رہنماواں کوں ڈوٹوک پیغام ڈتا گئے، ماضی دی ڈرامے بازیاں آلی کار ہنڑ پاکستان دنیا اچ مذاق یا تماشائی ملک نی رہیا، بلکہ ایہ فعال، سانجھداراتے ذمے دار ملک ہے ،جیرھا جوماضی دی پالیسی اچ وڈی تبدیلی ہے ،جیں ودھ ساری اہمیت حاصل کر گھدی ہے۔ برطانیہ دے آن لائن اخبار ”انڈیپینڈنٹ“ اپنڑے ہک آرٹیکل اچ لکھے جو ماضی دے مقابلے اچ پاکستان دی پالیسی اچ وڈی تبدیلی ہے ،جیندی وجہ نال پاکستان ودھ ساری اہمیت اختیار کر گھدی ہے۔ آرٹیکل اچ لکھیا گئے جو عالمی سطح تے وزیراعظم عمران خان دی قیادت دا انداز ماضی توں مختلف ہے۔ عمران خان دی کرپشن توں پاک سیاست داوعدہ سیاسی سطح تے مشہور تھی گئے۔ آرٹیکل اچ لکھیا گئے جو پلوامہ اتے ایندے بعد کشمیر بحران ورگے واقعات عمران خان دی سیاسی قیادت سانگے امتحان ہن،ڈوہائیں واری وزیراعظم عمران خان کارکردگی ڈکھائی۔ امریکہ۔افغانستان اتے امریکہ۔ایران وچال ثالثی سانگے انہاں دا چناﺅ عمران خان تے اعتماد دا اظہار ہے۔