عالمی سیاست اتے سفار ت دی توجہ معاشی ترقی ول منتقل تھی گی ہے، خطے اچ معاشی خوشحالی دے مواقع اساڈی دہلیز تے دستک ڈیندے پن ،اپنڑیں معیشت کوں ودھاونڑ اتے آندی نسلاں کوں ایندے فائدے ڈیونڑ سانگے چنگے طریقے استعمال کرنڑ دی ضرورت ہے، تجارت کوں جدید شکل اچ استوار کرنڑ سانگے ’ای سی او‘ تجارتی معاہدہ (ایکوٹا) تنظیم دا ہکوچنگا تے وڈا اقدام ہے،اساکوں یورپی یونین اتے آسیان ورگے بئے علاقائی گروپاں دیاں کامیابیاں توں سیکھنڑ پوسی ، معاشی طورتے قابل عمل اتے ای سی او مارکیٹ کوں کٹھا کرنڑ دے پہلواں تے خاص کر توجہ ڈیونڑ پوسی، اساڈی دلی خواہش ہے جو برادرملک افغانستان اچ امن تے سکون تھیوے،بھارت دے زیر قبضہ جموں وکشمیر اچ بھارتی یک طرفہ اتے غیرقنونی اقدامات دے نتیجے اچ اج علاقائی امن وسلامتی کوں سنگین خطرات ہن وزیر خارجہ شاہ محمود قریشی داای سی اودی وزارتی کونسل دے غیررسمی اجلاس توں خطاب

نیویارک ۔ 27 ستمبر (اے پی پی) وزیر خارجہ شاہ محمود قریشی آکھیے جوعالمی سیاست اتے سفار تکاری دی توجہ معاشی ترقی ول منتقل تھی گی ہے، خطے اچ معاشی خوشحالی دے مواقع اساڈی دہلیز تے دستک ڈیندے پن ،اپنڑیں معیشت کوں ودھاونڑ اتے آندی نسلاں کوں ایندے فائدے ڈیونڑ سانگے چنگے طریقے استعمال کرنڑ دی ضرورت ہے۔وزیر خارجہ آکھیا جو تجارت کوں جدید شکل اچ استوار کرنڑ سانگے ’ای سی او‘ تجارتی معاہدہ (ایکوٹا) تنظیم دا ہکوچنگا تے وڈا اقدام ہے،اساکوں یورپی یونین اتے آسیان ورگے بئے علاقائی گروپاں دیاں کامیابیاں توں سیکھنڑ چاہیدے ، معاشی طورتے قابل عمل اتے ای سی او مارکیٹ کوں کٹھے کرنڑ دے پہلواں تے خاص کر توجہ ڈیونڑ پوسی۔ انہاں آکھیا جو اساڈی دلی خواہش ہے جو برادرملک افغانستان اچ امن تے سکون ہوئے،بھارت دے زیر قبضہ جموں وکشمیر اچ بھارتی یک طرفہ اتے غیرقنونی اقدامات دے نتیجے اچ اج علاقائی امن وسلامتی کوں سنگین خطرات ہن۔ ایں گالھیں شاہ محمود قریشی جمعہ کوں اقوام متحدہ سیکرٹریٹ نیویارک اچ جنرل اسمبلی دے چوہترویں اجلاس دے موقع تے معاشی تعاون تنظیم (ای سی او)دی وزارتی کونسل دے غیررسمی اجلاس توں خطاب کریندے ہوئیں آکھیاں۔انہاں آکھیا جو ایں حقیقت توں انکارممکن کائنی جو عالمی سیاست اتے سفارت دی توجہ معاشی ترقی ول منتقل تھی گی ہے۔انہاں آکھیا جو اساڈی دلی خواہش ہے جو برادرملک افغانستان اچ امن تے سکون تھیوے، اساڈی کوشش رہی ہے جو امن حاصل کرنڑداا یہ خواب ہرممکن طورپورا تھیسی۔انہاں آکھیا جواساں خلیج فارس اچ ودھدی ہوئی کشیدگی تے تشویش اچ مبتلا ہسے۔ بھارت دے زیر قبضہ جموں وکشمیر اچ بھارتی یک طرفہ اتے غیرقنونی اقدامات دے نتیجے اچ اج علاقائی امن وسلامتی کوں سنگین خطرات ہن ۔اساڈی دلی تمنا اتے دعا ہے جو فلسطین اتے کشمیر اچ بدترین مظالم اتے یک طرفہ اقدامات دے نتیجے اچ سنگین مصائب تے مشکلاں دا سامنڑاں کرنڑ آلے اساڈے بھراواں دا احساس کیتا ونجے ۔