مقبوضہ کشمیر اچ بھارتی وزیر اعظم نریندر مودی دے نسل پرستانہ، متکبرانہ اتے اقوام متحدہ دی سلامتی کونسل دی قرارداداں دے خلاف چاتے گئے اقدامات دی وجہ نال ڈو ایٹمی طاقتاں آمنڑے سامنڑے ہن ، دنیا 55 ڈینھ توں مسلسل کرفیو، 80 لکھ کشمیری بالاں، تریمتیں اتے بندیاں کوں محصور کرنڑ اتے انسانی حقوق دی سنگین خلاف ورزیاں دے خلاف بولدی کیوں نی پئی ،دنیا کو ں فیصلہ کرنڑ پوسی جوا وہ سوا ارب لوکیں دی مارکیٹ کوں ڈیکھسن یا کشمیر اچ ظلم، بنیادی حقوق دی خلاف ورزی اتے ریاستی جبردے خلاف کھڑسن، کرپشن اتے لوٹ مار دا پیسہ رکھنڑ اتے ایندے ذریعے جائیداداں بناونڑ دے خلاف ترقی یافتہ اتے امیر ملکاں کوں اپنڑیاں ذمہ داریاں پوریاں کرنڑ پوسن ،ایںرجحان دی حوصلہ شکنی اتے انہاں ملکاں کوں ا یہ رقم واپس کرنڑ پوسن ہوں،جتھوں ا یہ لوٹیاں گن وزیر اعظم عمران خان دا اقوام متحدہ دی جنرل سمبلی توں خطاب

نیویارک ۔ 27 ستمبر (اے پی پی) وزیر اعظم عمران خان آکھیے جومقبوضہ کشمیر اچ بھارتی وزیر اعظم نریندر مودی دے نسل پرستانہ، متکبرانہ اتے اقوام متحدہ دی سلامتی کونسل دی قرارداداں دے خلاف چاتے گئے اقدامات دی وجہ نال ڈو ایٹمی طاقتاں آمنڑے سامنڑے ہن ، دنیا 55 ڈینھ توں مسلسل کرفیو، 80 لکھ کشمیری بالاں، تریمتیں اتے بندیاں کوں محصور کرنڑ اتے انسانی حقوق دی سنگین خلاف ورزیاں دے خلاف بولدی کیوں نی پئی ،دنیا کو ں فیصلہ کرنڑ پوسی جوا وہ سوا ارب لوکیں دی مارکیٹ کوں ڈیکھسن یا کشمیر اچ ظلم، بنیادی حقوق دی خلاف ورزی اتے ریاستی جبردے خلاف کھڑسن۔ جمعہ کو ں اقوام متحدہ دی جنرل سمبلی توں خطاب کریندے ہوئیں وزیر اعظم عمران خان آکھیا جومقبوضہ کشمیر اچ کرفیو مکنڑ دے بعد کشمیری عوام اتے بھارتی سکیورٹی فورسز وچال خونی تصادم دا خطرہ ہے، بھارت کوں مقبوضہ کشمیر دی خصوصی حیثیت بحال کرنڑ پوسی، کرفیو ہٹاونڑ پوسی اتے اقوام متحدہ کوں اپنڑیاں قرارداداں مطابق کشمیری عوام کوں انہاں دا حق خود ارادیت ڈیوانڑ پوسی، اگر اساڈے اتے جارحیت مسلط تھئی تاں اساں سرنڈر کرنڑ دی بجائے ایندا مقابلہ کریسوں اتے ایندے کیخلاف چھیکڑی ساہ تئیں لڑسوں، دنیا کوں سجھنڑ چاہیدے جو ایں دوران کجھ وی تھی سگدے ، ایں دنیا اچ کوئی ریڈیکل اسلام کائنی بلکہ صرف ہکو اسلام ہے اتے اوہ حضرت محمد ﷺ دااسلام ہے،جیرھا جو امن مساوات، انصاف اتے برداشت دا مذہب ہے، مغرب اچ پیغمبر اسلام ﷺ دی شان اچ گستاخیاں دی وجہ نال ساری دنیا دے مسلماناں دے جذبات مجروح تھیندن اتے ایندے خلاف مسلماناں دے رد عمل تے انہاں کوں انتہا پسند سمجھیا ویندے، اسلامو فوبیا دا تصور مغرب دا اپنڑاں پیدا کیتا ہوئے، پوری دنیا دے مسلماناں کوں کیویں انتہا پسند اتے دہشت گرد آکھیا اتے سمجھیا ونج جا سگدے۔ وزیراعظم عمران خان آکھیا جو امریکی اتے مغربی ملکاں فنڈنگ کیتی اتے پاکستان تربیت ڈتی،جیندے بعد افغانستان دے لوکیں سوویت یونین دے خلاف جنگ لڑی اتے اینکوں جہاد دا ناں ڈتا گیا ،جڈاں سوویت یونین افغانستان توں گئے اتے نائن الیون دے بعد افغانستان تے امریکی قبضے دے خلاف افغاناں جنگ لڑی تاں انہاں کوں دہشتگرد دا ناں ڈے ڈتا گیا ۔ وزیراعظم عمران خان آکھیا جو ترقی پذیر ملکاں توں حکمران ‘ طاقتور طبقہ اتے اشرافیہ دی کرپشن دی رقوم ترقی یافتہ ملکاںاچ منی لانڈرنگ دے ذریعے ویندن،اوہ اتھاں مہنگی جائیداداں خریدے رہے اتے بنک اکاﺅنٹس اچ پیسے رکھیندن اتے جڈاں ترقی پذیر ملک کرپشن دا پیسہ واپس گھنڑ سانگے کوشش کریندن تاں انہاں کوں مناسب قنون سازی نہ ہونڑ پاروں سخت مشکلات دا سامنڑاں کرنڑ پوندے اتے مہنگے وکیلاں دے ذریعے کیس لڑن پوندن۔ کرپشن اتے لوٹ مار دا پیسہ رکھنڑ اتے ایندے ذریعے جائیداداں بناونڑ دے خلاف ترقی یافتہ اتے امیر ملکاں کوں اپنڑیں ذمہ داری پوری کرنڑ پوسی۔ ایں رجحان دی حوصلہ شکنی کریندے ہوئیں انہاں ملکاں کوں ا یہ رقوم واپس کرنڑ پوسن ،جتھوں ای رقم لوٹی گی۔ انہاں آکھیا جو ترقی پذیر ملکاں دا ماحولیاتی آلودگی اتے موسمیاتی تبدیلیاں اچ حصہ بہوں گھٹ ہے اتے اوہ ایندے اثرات توں سبھ توں ودھ متاثر ہن اتے ایندی قیمت ادا کر یندے پن۔ انہاں تبدیلیاں دے اثرات مکاونڑ سانگے ترقی یافتہ اتے امیر ملکاں کوں ،جیرھ جو اینکوں کھنڈاونڑ دے ذمے دار ہن‘ ایں تے قابو کرنڑ سانگے انہاں کوں اپنڑیاں ذمہ داریاں پوری کرنڑ اتے مناسب فنڈز ڈیونڑ پوسن