مولانا فضل الرحمن دی مہم صرف مودی کوں ریلیف ڈیونڑ دا کم کر یندی پی ہے مولانا آئین اچ ترمیم، اسرائیل کوں منڑ اتے فاٹا انضمام بارے گمراہ کن پراپیگنڈا کیتے، وفاقی وزیر امور کشمیر و گلگت بلتستان علی امین گنڈا پور جے یو آئی (ف) دے رہنما کو ں لہور اچ22 ستمبر دی تقریر تے لیگل نوٹس بھجوا ڈتے

اسلام آباد ۔ 7 اکتوبر (اے پی پی) وفاقی وزیر امور کشمیر و گلگت بلتستان علی امین گنڈاپور ،جمعیت علمائے اسلام (ف) دے سربراہ مولانا فضل الرحمن کو ں لیگل نوٹس جاری کریندے ہوئیں آکھیے جوا وہ15 ڈینھاں اچ معافی منگنڑ اتے 50 ارب روپے ہرجانہ ڈیونڑ،نی تاں انہاں دے خلاف قنونی کاروائی کیتی ویسی ۔ وزیر امور کشمیر آکھیا جو انہاں کنوں ثبوت موجود ہن جو مولانا کوں آزادی مارچ کیتے کتھوں فنڈنگ تھیندی پی ہے اتے اوہ کیندے ایجنڈے تے کم کریندے پن، انہاں دا ایجنڈا پاکستان کوں غیر مستحکم کرنڑ ہے، مولانا کوں مدرسیاں اچ پڑھن آلے طالب علماں کوں ایجنڈے دا حصہ بناونڑ دی اجازت کائناں ڈیسوں۔ سنوار کوں پریس انفارمیشن ڈیپارٹمنٹ اچ پریس کانفرنس توں خطاب کریندے ہوئیں علی امین گنڈا پور آکھیا جو ایں ویلھے پوری قوم اتے حکومت ہک مٹھ تھی تے کشمیر دے مسئلے کوں عالمی سطح تے اجاگر کرنڑ سانگے کم کریندی پی ہے ۔ کشمیر اچ ڈو مہیناں توں ودھ عرصے توں کرفیو ہے اتے لوک گھراں اچ محصور ہن۔ ایجھی صورتحال اچ مولانا فضل الرحمن مودی دے ایجنڈے کوں تقویت ڈیونڑ اتے پاکستان کوں کمزور کرنڑ دے ایجنڈے تے کم کر یندے پن۔ انہاں آکھیا جو مولانا فضل الرحمن اقتدار کیتے ہمیشہ منبر کوں استعمال کریندن اتے مدرسے دے بالاں کوں سیاسی مقاصد سانگے استعمال کرنڑ دی کوشش کریندن۔ اساں انہاں کوں بے نقاب کرنے۔ انہاں آکھیا جومولانا فضل الرحمن کوں لیگل نوٹس بھجویندا پیا۔ اوہ 15 ڈینھ اندر ایندا جواب ڈیونڑ، اگرا وہ جواب کائناں ڈیسن تاں ول انہاں دے خلاف کارروائی کریسوں اتے ثبوت پیش کریسوں جو ا وہ کیندے ایجنڈے تے کم کر یندے پن۔