پیشہ ورانہ قابلیت ‘ مہارت اتے بہادری اچ پاک فضائیہ دا کوئی مقابلہ کائنی،مسلح افواج وطن دے دفاع کیتے ہر ویلھے تیار ہیں،ملکی دفاع، سالمیت اتے خود مختاری تے کوئی سمجھوتہ نہ کریسوں،صدر مملکت ڈاکٹر عارف علوی دا پاک فضائیہ دے جنگی جہازاں دے فائر پاور مظاہرے دی تقریب نال خطاب

اسلام آباد ۔ 6 نومبر (اے پی پی) صدر مملکت ڈاکٹر عارف علوی آکھیے جو پےشہ ورانہ قابلیت ‘ مہارت اتے بہادری اچ پاک فضائیہ دا کوئی مقابلہ کائنی،مسلح افواج وطن دے دفاع کیتے ہر ویلھے تیار ہیں،ملکی دفاع، سالمیت اتے خود مختاری تے کوئی سمجھوتہ نہ کریسوں۔ اے گالھ صدر مملکت ڈاکٹر عارف علوی سونمیانی فائرنگ رینج اچ تھیونڑ آلی پاک فضائیہ دے جنگی جہازاں دے فائر پاور مظاہرے دی تقریب نال خطاب اچ آکھی۔ انہاں ایں مظاہرے تے پاک فضائیہ دے کردار، پیشہ ورانہ قابلیت اتے بہادری دی تعریف کیتی اتے آکھیا جو پاک فضائیہ خودانحصاری تے یقین رکھدی اے، جے ایف 17 تھنڈر ساڈا مانڑ ہین، ملکی فضائیہ سرحداں دی نگہبانی اچ پاک فضائیہ دا اہم رکدار اے جیندا کتھائیں کوئی مقابل کائنی ،بھارت نال اجوکی فضائی جھڑپ ویلھے پاک فضائیہ دی کامیاب کارروائی علاقے اچ دفاعی اتے فضائی مہارت دی فضا بدل ڈتی اے،پورے خطے ہی نئیں جگ دے ممالک پاک فضائیہ دیاں صلاحیتاں منیندن۔انہاں آکھیے جو پاکستان امن اتے ہمسایہ ملکاں نال چنگے تعلقات چاہندے،عالمی برادری مقبوضہ کشمیر اچ انسانی حقوق دی خلاف ورزیاں اتے کرفیو دا نوٹس گھنے۔