وزیراعظم محمد نواز شریف داازبکستان دے صدر شوکت مرزایوف نال ملاقات اچ گالھ مہاڑ

آستانہ ۔ 08 جون (اے پی پی) وزیراعظم محمد نواز شریف پاکستان اتے ازبکستان وچال تجارت ،سرمایہ کاری اتے مصنوعات تے خدمات دی آزادانہ نقل تے حمل اچ سہولت سانگے تجارتی پالیسیاں اچ مناسبت اصلاحات گھن آونڑ سانگے رل تے کم کرنڑ دی تجویز پیش کریندیں ہوئیں آکھیا جو پاکستان سارے شعبیاں خصوصی طور اقتصادی توانائی ،تعاون ،مواصلات اتے انسانی وسائل دی ترقی دے شعبیاں اچ ازبکستان نال آپنڑے تعلقات کوں ودھاونڑ دی خواہش اے۔انہاں اے گالھ ازبکستان دے صدر شوکت مرزایوف نال ملاقات اچ گالھ مہاڑکریندیں ہوئیں آکھی۔وزیراعظم آکھیا جو پاکستان کوں ازبکستان دے نال آپنڑے قریبی دوستانہ اتے برادرانہ تعلقات تے فخر اے۔وزیراعظم تجویز کیتا جو ڈوہیں ملکاں تجارت،سرمایہ کاری اتے مصنوعات تے خدمات دے آزادانہ بہاﺅ اچ سہولت سانگے تجارتی پالیسیاں اچ مناسبت اصلاحات گھن آونڑ سانگے رل تے کم کرن۔