بھارتی سینئر سفارتکار کوں دفتر خارجہ سڈ تے5 ستمبر کوں قابض بھارتی فوج ولوں لائن آف کنٹرول دے رکھ چکری سیکٹر اچ جنگ بندی دیاں بلااشتعال خلاف ورزیاں تے شدید احتجاج ریکارڈ ، بھارت ولوں جنگ بندی دیاں انہاں خلاف ورزیاں توں علاقائی امن و سلامتی کوں سنگین خطرات لاحق ہن، ترجمان دفتر خارجہ

اسلام آباد ۔ 06ستمبر(اے پی پی) بھارتی سینئر سفارتکار کوں دفتر خارجہ سڈ تے 5 ستمبر کوں قابض بھارتی فوج ولوں لائن آف کنٹرول دے رکھ چکری سیکٹر اچ جنگ بندی دیاں بلااشتعال خلاف ورزیاں تے شدید احتجاج ریکارڈ کرایا گیا ، بھارتی فوج دی بلااشتعال فائرنگ دے نتیجے وچ 19 سالہ محمد طارق بیگناہ شہری شدید زخمی تھی گئے ۔ اتوار کوں ترجمان دفتر خارجہ موجب سینئر بھارتی سفارتکار کوں دفتر خارجہ سڈ تے احتجاجی مراسلہ انہاں دے حوالے کیتے تے آکھیے جو قابض بھارتی افواج ایل او سی اتے ورکنگ باﺅنڈری دیاں مسلسل خلاف ورزیاں کریندے ہوئیں آرٹلری، بارے تے خودکار ہتھیاراں دے ذریعے عام شہری آبادیاں کوں نشانہ بنڑیندی پئی اے۔ بھارتی سفارتکار کوں ڈسایا گیا جو شہری آبادیاں کوں دانستہ نشانہ بنڑاونڑ انتہائی قابل افسوس، انسانی عظمت ووقار، عالمی انسانی حقوق اتے بین الاقوامی انسانی قوانین دے صریحا منافی اے۔ بھارت ولوں جنگ بندی دیاں خلاف ورزیاں توں علاقائی امن و سلامتی کوں خطرہ اے ۔