بین الافغان مذاکرات دا انعقاد، افغانستان اچ امن سانگے اہم حیثیت رکھیندے،اج دنیا پاکستان دے موقف کوں منیندی پئی اے،افغان امن عمل کوں چھیکڑ تئیں پجاونڑ سانگے عالمی برادری کوں اپنڑاں کردار ادا کرنڑ دی لوڑھ اے،وزیر خارجہ مخدوم شاہ محمود قریشی دا دوحہ بین الافغان مذاکرات دی افتتاحی تقریب نال خطاب

اسلام آباد ۔ 12 ستمبر (اے پی پی) وزیر خارجہ مخدوم شاہ محمود قریشی آکھیا جو بین الافغان مذاکرات دا انعقاد، افغانستان اچ امن سانگے اہم حیثیت رکھیندے،اج دنیا پاکستان دے موقف کوں منیندی پئی اے،افغان امن عمل کوں چھیکڑ تئیں پجاونڑ سانگے عالمی برادری کوں اپنڑاں کردار ادا کرنڑ دی لوڑھ اے۔اے گالھیں انہاں دوحہ اچ دوحہ بین الافغان مذاکرات دی افتتاحی تقریب نال خطاب کریندیں ہوئیں آکھی۔وزیر خارجہ’ نائب وزیر اعظم اتے وزیر خارجہ قطر دی خصوصی دعوت تے بذریعہ ویڈیو لنک اجلاس اچ شرکت کیتی۔پاکستان ولوں نمائندہ خصوصی برائے افغانستان ایمبیسڈر محمد صادق دوحہ اجلاس اچ شریک ہن۔وزیرخارجہ آکھیا جو بین الافغان مذاکرات دا انعقاد، افغانستان اچ امن سانگے اہم حیثیت رکھیندے،اج دنیا پاکستان دے موقف کوں منیندی پئی اے،افغان امن عمل کوں چھیکڑ تئیں پجاونڑ سانگے عالمی برادری کوں اپنڑاں کردار ادا کرنڑ دی لوڑھ اے۔