گھریلو صارفین سانڳے ریلیف ،صنعتاں کوں بلاتعطل اتے سستی بجلی ڈیوݨ کوں حکومتی ترجیحات دے جائزہ اجلاس اچ ہدایت، وزیراعظم کوں توانائی دے شعبے بارے بریفنگ ݙتی ڳئی

اسلام آباد۔30دسمبر(اے پی پی) وزیرِ اعظم عمران خان ہدایت کیتی جو گھریلو صارفین سانڳے ریلیف اتے صنعتاں کوں بلاتعطل اتے سستی بجلی ݙیوݨ کوں حکومت ترجیحات اچ اُتے رکھیا ونجے اتے توانائی دے شعبے اچ مستقبل دی لوڑھ کوں ݙیکھدیں ہوئیں دیرپا اصلاھات کیتی ونجن۔ اے ڳالھیں انہاں بدھ کوں آپݨی صدارت اچ تھیوݨ آلے توانائی شعبے دے جائزہ اجلاس نال خطاب کریندیں ہوئیں آکھی۔ اجلاس اچ وفاقی وزراء عمر ایوب، مخدوم خسرو بختیار، ڈاکٹر عبدالحفیظ شیخ، حماد اظہر، معاونینِ خصوصی تابش گوہر، ندیم بابر، وقار مسعود ا تے متعلقہ افسر شرکت کیتی۔ اجلاس اچ وزیراعظم کوں توانائی دے شعبے بارے بریفنگ ݙتی ڳئی۔ وزیراعظم کوں گزریل حکومتاں ولوں کیتے ڳئے معاہدے اتے انہاں دے معیشت اتے عام بندے تے منفی اثرات بارے وی ݙسیا ڳیا۔