اسلام آباد۔ 15 ستمبر(اے پی پی) سپیکر قومی اسمبلی سردار ایاز صادق یوگنڈا دے سپیکر جیکب مارکسنز اوبوتھ نال ملاقات کیتی جیڑھی جنوبی افریقہ دے شہر کیپ ٹاؤن اچ جاری 69ویں دولتِ مشترکہ پارلیمانی کانفرنس دے موقع تے تھئی۔ قومی اسمبلی سیکرٹریٹ موجب سپیکر قومی اسمبلی یوگنڈا نال پارلیمانی رابطے مزید تکڑے بݨاوݨ تے زور ݙتا تے یوگنڈا دے ہم منصب کوں پاکستان دے دورے دی دعوت ݙتی۔ سپیکر سردار …
سپیکر قومی اسمبلی دی یوگنڈا دے سپیکر نال ملاقات
مزید خبراں
اسلام آباد۔ 15 ستمبر(اے پی پی) سپیکر قومی اسمبلی سردار ایاز صادق یوگنڈا دے سپیکر جیکب مارکسنز اوبوتھ نال ملاقات کیتی جیڑھی جنوبی افریقہ دے شہر کیپ ٹاؤن اچ جاری 69ویں دولتِ مشترکہ پارلیمانی کانفرنس دے موقع تے تھئی۔ قومی اسمبلی سیکرٹریٹ موجب سپیکر قومی اسمبلی یوگنڈا نال پارلیمانی رابطے مزید تکڑے بݨاوݨ تے زور ݙتا تے یوگنڈا دے ہم منصب کوں پاکستان دے دورے دی دعوت ݙتی۔ سپیکر سردار ایاز صادق آکھیا جو پاک یوگنڈا پارلیمانی فرینڈشپ گروپ پارلیمانی رابطے دے ودھارے اچ اہم کردار ادا کریندا پئے۔ پاکستان تے یوگنڈا وچال اعلیٰ تعلیم، زراعت تے غذائی تحفظ اچ تعاون تے ڳالھ کیتی ڳئی۔ ݙوہیں رہنماواں موسمیاتی تبدیلی تے پارلیمانی شعبیں اچ سانجھا تعاون ودھاوݨ تے اتفاق کیتا۔ سپیکر ایاز صادق آکھیا جو پاکستان جھیڑیں دے پُرامن حل دا حامی اے، جنگ کہیں مسئلے دا حل نئیں۔ سپیکر قومی اسمبلی یوگنڈا کوں (سی پی اے) خواتین ارکانِ پارلیمنٹ کانفرنس اچ شرکت دی دعوت وی ݙتی۔ یوگنڈا دے سپیکر جیکب مارکسنز اوبوتھ سپیکر قومی اسمبلی دے یوگنڈا متعلق تاثرات دی تعریف کریندے آکھیے جو یوگنڈا پاکستان دے نال اپݨے دوستانہ تعلقات کوں قدر دی نگاہ نال ݙیہدے، ݙوہیں ملکاں دیاں پارلیماناں وچال رابطیں دے ودھارے دی لوڑھ اے۔ یوگنڈا دے سپیکر عالمی امن دے قیام کیتے پاکستان دے کردار دی تعریف کیتی۔
