اسلام آباد۔24مئی (اے پی پی) سیکرٹری الیکشن کمیشن ڈاکٹرنذیر اختر آکھیا جو پنجاب اچ بلدیاتی انتخابات ویلھے تے کراوݨ سانڳے پرعزم ہیسے۔ سنوار کوں سیکرٹری لوکل گورنمنٹ پنجاب نورالامین مینگل نال لاہوراچ اجلاس اچ بلدیاتی انتخابات پنجاب دی تیاریاں دا جائزہ ڳھدا ڳیا۔ اجلاس اچ صوبائی الیکشن کمشنر، پنجاب، غلام اسرار خان، سپیشل سیکرٹری لوکل گورنمنٹ ظہور حسین، جوائنٹ صوبائی الیکشن کمشنر سعیدگل، ایڈیشنل سیکرٹری لوکل گورنمنٹ ارشد بیگ اتے بئے سینئر افسر شریک تھیے۔
