ٹیلی میڈیسن اتے مصنوعی ذہانت دے شعبہ اچ سرمایہ کاری اتے ہیلتھ پروفیشنلز دی استعدادِ کار اچ ودھارے دی لوڑھ اے، صدر مملکت ڈاکٹر عارف علویاسلام آباد۔28مئی (اے پی پی) صدر مملکت ڈاکٹر عارف علوی پاکستان دے دور دراز علاقیاں دی آبادی دی صحت دی سہولتاں ݙیوݨ سانڳے ٹیلی میڈیسن کلینکس بݨاوݨ دی اہمیت تے زور ݙیندیں ہوئیں آکھیا جو ٹیلی میڈیسن اتے مصنوعی ذہانت دے شعبہ اچ سرمایہ کاری اتے ہیلتھ پروفیشنلز دی استعدادِ کار اچ ودھارے دی لوڑھ اے۔ مصنوعی ذہانت دے استعمال نال ڈیٹا دے تجزیہ اتے وبائی بیماریاں دی پیش گوئی کیتی ونڄ سڳسی۔ او جمعے کوں اتھاں پاکستان اچ ٹیلی ہیلتھ خدمات دی فراہمی بارے اجلاس دی صدارت کریندے پئے ہن۔ اجلاس اچ وزیراعظم دے معاون خصوصی برائے نیشنل ہیلتھ سروس، ریگولیشنز اینڈ کوآرڈینیشن ڈاکٹر فیصل سلطان، سیکرٹری عامر خواجہ، کنسلٹنٹ ڈیجیٹل ٹیکنالوجی تانیہ ایدرس، ڈائریکٹر جنرل ہیلتھ ڈاکٹر رانا محمد صفدر، ڈائریکٹر جنرل این آئی ٹی بی فیصل اقبال اتے ٻئے سینئر حکام شرکت کیتی۔
