اسلام آباد۔6جون(اے پی پی)وفاقی وزیر برائے منصوبہ بندی ترقی واصلاحات وخصوصی اقدامات اسدعمر آکھیے جو پی ٹی آئی حکومت بغیر کہین وانڄھ دے پورے ملک دی خدمت تے یقین رکھدی اے،عمران خان پورے ملک دے وزیر اعظم ہین جیڑھے منفی سیاست تے یقین نئین رکھیندے، پاکستان ڈیموکریٹک موومنٹ (پی ڈی ایم) دی تباہی دے بعد اپوزیشن دے خواب چکناچور تھی ڳین، پیپلز پارٹی اڄ وی تعصب دی سیاست کریندی پئی اے اتے سندھی قوم پرستی دا پراݨا کارڈ کھیݙدی پئی اے۔ اے ڳالھ انہاں میڈیا نال الیندے آکھی۔ انہاں آکھیا جو پی ٹی آئی دی حکومت سندھ کیتے پچھلیاں حکومتاں توں ٻہوں ودھ فنڈز ݙتن جیڑھے پچھلی حکومت دے چھیکڑی 3 سال توں 32 فیصد ودھ ہین، سندھ حکومت وفاق تے الزام لاوݨ دی بجاعے اپݨے عوام دی خدمت تے توجہ ݙیوے جیڑھے ہر شعبے اچ اوکھے ہین اتے انہاں دی کوئی شݨوائی کائنی۔
