سکھر۔7جون (اے پی پی):گھوٹکی دے نیڑے ریل ڳاݙیاں دے ݙراوݨے حادثے دے بعد مسافراں دے رشتہ داراں دی سہولت کیتے انفارمیشن ڈیسک قائم کرݙتا ڳئے ، ٹیلی فون نمبروی جاری کرݙتا ڳئے ۔تفصیلات دے مطابق گھوٹکی دے نیڑے ریل ڳاݙیاں دے خوفناک حادثے اچ زخمی اتے جاں بحق تھیوݨ آلے لوکاں دی معلومات کٹھیاں کیتیاں ڳئن ۔رشتہ داراں دی سہولت کیتے محکمہ ریلوے سکھر ڈویژن انفارمیشن ڈیسک قائم کرݙتے جیں دا ٹیلی فون نمبر وی جاری کرݙتا ڳئے ۔ڈی ایس ریلوے سکھر طارق لطیف دے مطابق مسافراں دے رشتہ دار ایں 0719310087 نمبر تےرابطہ کرن ایں نمبر تے ڈی سی او ریلوے حمیداللہ لاشاری موجود ہوسن سارے مسافراں دی معلومات حاصل کرݨ کیتے ݙتے ڳئے فون نمبراں تے رابطہ کیتا ونڄ سڳدے۔
