ملتان۔7جون (اے پی پی):وزیرخارجہ مخدوم شاہ محمودقریشی آکھیے جو پن بجلی اتے شمسی توانائی دی پیداوارودھا تے بجلی دیاں ودھدیاں قیمتاں کوں روکیا ونڄ سڳدے تے حکومت ایں سلسلے اچ پکے اقدامات کریندی پئی اے ۔اگلے ݙاہ سال دے دوران ݙاہ نویں ہائیڈل منصوبے مکمل تھی ویسن انہاں توں پیدا تھیوݨ آلی بجلی نہ صرف یہ جو سستی ہوسی بلکہ اساݙے سسٹم اچ شامل تھی تے بجلی دی مجموعی پیداوار تے اثرات مرتب کریسی ،اے ڳالھ انہاں سنوار کوں نشترمیڈیکل یونیورسٹی اچ ریٹروفٹنگ منصوبے دے افتتاح دے موقع تے آکھی اے ، انہاں ݙسائے جو منصوبے نال چارہزار پراݨے پکھے تے ٻارھاں ہزار لائٹس کوں ریٹروفٹنگ دے ذریعے تبدیل کیتاڳئے ۔چارکروڑ 60لکھ روپے لاگت دے ایں منصوبے توں ساݙھے ترائے کروڑ دی بچت تھیسی ۔وزیرخارجہ آکھیے جو عوام داپیسہ بچا تے صحت اتے دوائیں تے خرچ کرسڳدوں ۔
