اسلام آباد۔28جون (اے پی پی):وفاقی وزیر مواصلات و پوسٹل سروسز مراد سعید آکھیے جو مغربی روٹ دے منصوبیں کوں سی پیک اچ رلاوݨ تے چین دے شکرگزار ہیسے، انہاں منصوبیں توں مغربی روٹ دے علاقیں اچ ترقی دے نویں دور دا آغاز تھیسی ۔ اے ڳال وفاقی وزیر مراد سعید چین دے وزیر ٹرانسپورٹ لی زیاو پنگ نال ورچوئل اجلاس اچ آکھی اے ۔ لی ژیاو پنگ وفاقی وزیر مراد سعید کوں چین اچ تھیوݨ آلی یو این گلوبل کانفرنس اچ شرکت دی دعوت ݙتی تے بیلٹ اینڈ روڈ دے تحت سی پیک اچ وزارت مواصلات دے کردار دی تعریف کیتی ۔ چینی وزیر ٹرانسپورٹ آکھیے جو پاکستان اچ سی پیک دے مکمل اتے جاری منصوبیں توں ترقی دے سفر تے ٻہوں خوشی تھئی اے ۔ وفاقی وزیر مراد سعید مغربی روٹ دے منصوبیں کوں سی پیک اچ رلاوݨ تے چین دا شکریہ ادا کریندے ہوئیں آکھیے جو انہاں منصوبیں توں انہاں علاقیں دی ترقی دے نویں دور دا آغاز تھیسی ، مراد سعید فیٹف، کشمیر اتے ٻئے اہم ایشوز تے چین دے تعاون دا وی شکریہ ادا کیتے۔
