اپوزیشن دے سارے ڈرامے فلاپ تھی ڳٰن، اپوزیشن دیاں تنداں چھیکݨ آلے لندن ٻیٹھے عناصر دا کوئی سیاسی مستقبل کائنی، وفاقی وزیر غلام سرور خان
اسلام آباد۔28جون(اے پی پی)وفاقی وزیر ہوا بازی غلام سرور خان آکھیے جو تحریک انصاف دی حکومت تعمیر وترقی تے توجہ ݙیندی پئی اے، انشا اللہ عوام دے سارے مسلے حل کریسوں۔ اے ڳالھ انہاں واہ کینٹ اچ وارڈ 10 بدھو، مسلم آباد، شادمان ٹاون اتے پنڈ گدوال اچ 3 کروڑ 50 لکھ روپے دی لاگت نال سوئی گیس، بجلی، سیوریج اتے گلیاں دی پختگی د منصوبیاں دی تکمیل تے اہلیان علاقہ نال خطاب کریندے پئے ہن۔ ایں موقع تے رکن قومی اسمبلی منصور حیات خان، ایم پی اے عمار صدیق خان، چوہدری مظہر سابق ممبر وارڈ 10، ملک عظمت محمود، ماسٹر نثار خان، انجنیئر وقار خان، شجاعت آصف، میزبان ملک زمرد خان، ملک فیصل شہزاد، جاوید خان اتے ٻئے پارٹی راہنما وی موجود ہن۔ وفاقی وزیر غلام سرور خان آکھیا جو اپوزیشن اپݨا سارا زور اپݨی چوری لکاوݨ اتے چوراں، لٹیراں کوں بچاوݨ تے لیندی پئی اے بھل پی ٹی آئی دی حکومت عوام دے مسلے حل کرݨ اچ ردھی ہوئی اے، ملکی معیشت سیدھی راہ تے آڳئی اے، اپوزیشن دے سارے ڈرامے فلاپ تھی ڳٰن، اپوزیشن دیاں تنداں چھیکݨ آلے لندن ٻیٹھے عناصر دا کوئی سیاسی مستقبل کائنی۔
