اسلام آباد۔29جون (اے پی پی):چیئرمین کشمیر کمیٹی شہریار خان آفریدی اقوام متحدہ دے سیکرٹری جنرل انٹونیو گٹریش ولوں بھارت دی غیرقانونی قابض حکومت دے کشمیری ٻالاں کوں نظربند کرݨ تے تشویش دے اظہار دا خیرمقدم کیتے ۔منگل کوں اتھاں جاری بیان موجب انہاں آکھیے جو انٹونیو گٹریش دا بھارت توں کشمیری ٻالاں تے تشدد کوں روکݨ دا مطالبہ چنڳی ڳال اے ۔انٹونیو گٹریش بھارت توں کشمیری ٻالاں تے پیلٹ گنز دے غیر قانونی استعمال کوں روکݨ دا وی مطالبہ کیتے،سیکرٹری جنرل اقوامِ متحدہ کشمیری ٻالاں تے جاری بھارتی ظلم تے تشدد تے وی پریشانی دا اظہار کیتے۔شہریار خان آفریدی آکھیے جو سیکرٹری جنرل اقوامِ متحدہ موجب بھارت کوں کشمیری ٻالاں دی نظربندی چھیکڑی رستہ دے طور تے اختیار کرݨا چاہیدا ہئی ۔
