اسلام آباد۔29جون(اے پی پی)صدر مملکت ڈاکٹر عارف علوی وفاقی محتسب کوں اپݨے 24 سال پراݨے فیصلے تے عمل درآمد کرݨ اتے وݙے عرصے توں انصاف دے ہاشمی شکایت ڳزار کوں معاوضہ ݙیوݨ دا حکم ݙتے۔ اے حکم انہاں 1997 دے ہک پراݨے کیس دا نوٹس ڳھندے ݙتے جیندے اچ ایبٹ آباد دے مشتاق احمد جدون وفاقی محتسب دے فیصلے بارے صدر پاکستان کوں اپیل کیتی ہئی جو اوکوں پی آئی اے اچ اہلیت، میرٹ تے انجینئرنگ اسسٹنٹ چݨݨ دے باوجود تقرری نئیں ݙتی ڳئی۔ صدر ہدایت کیتی اے جو وفاقی محتسب سیکرٹریٹ شکایت کنندہ/درخواست دہندہ کوں پی آئی اے دی تجویز دے مطابق معاوضہ دی ادائیگی کیتے اقدامات کرے۔
