اسلام آباد۔29جون(اے پی پی)وزیرِ اعظم عمران خان نال وفاقی وزیر برائے نیشنل فوڈ سیکیورٹی سید فخر امام ملاقات کیتی۔ انہاں ایں سال ساریاں فصلاں دی ریکارڈ پیداوار اتے آندیاں فصلاں سانڳے حکمتِ عملی تے الایا۔ ملاقات اچ فیصلہ کیتا ڳیا جو یکم جولائی کوں اسلام آباد اچ کسان کنونشن کرایا ویسی۔ وزیرِ اعظم عمران خان آکھیا جو کساناں کوں سوکھ ݙیوݨ حکومت دی اولین ترجیحات اچوں ہک اے، جامع حکمتِ عملی نال زراعت دے شعبے اچ اصلاحات ڳھن آسوں۔
