اسلام آباد۔29جون(اے پی پی)وزیراعظم دے معاون خصوصی برائے غذائی تحفظ جمشید اقبال چیمہ آکھیے جو حکومت زرعی شعبہ دی ترقی کیتے کاشتکار برادری، صارفین اتے زرعی و صنعتی شعبہ سودھا سارے شراکت داراں دے مفاد سانڳے مستقبل دا لائحہ عمل ٻݨائے، ایگریکلچرل ٹرانسفارمیشن پلان پائیدار زرعی ترقی، درآمدی غذائی شئیں تے انحصار ڳھٹاوݨ، کاشتکاراں، صارفین اتے مقامی صنعت دے تحفظ دا وݙا منصوبہ اے، ایں منصوبہ دے تحت زرعی پیداوار دا معیار ودھاوݨ، فوڈ پروسیسنگ اچ جدت، معاشی ترقی نال کاشتکار برادری و متعلقہ حلقیاں کیتے سماجی و مالیاتی انصاف ڳھن آیا ویسی، جدید ٹیکنالوجی اتے بیجاں دی نویاں اقسام سانڳے فی ایکڑ پیداوار ودھاوݨ، تحقیقی سرگرمیاں دے ودھارے، ایگریکلچر مالز دے قیام، لائیو سٹاک دے شعبہ کوں ڄدت ݙیوݨ اتے غذائی درآمدات تے انحصار مکاوݨ تے توجہ اے، زرعی شعبہ دا شعبے پہلے توں 1.6 ارب روپے توں ودھا تے 62 ارب روپے کر ݙتا ڳئے، آندے کڄھ سالاں اچ غذائی درآمدات تے انحصار مکا تے دودھ، شہد، پھل، سبزیاں، دالاں، زیتون، ٹرائوٹ مچھلی، سویابین اتے سپرفوڈ دی پیداوار ودھائی ویسی، زرعی تحقیق کیتے 10 ارب روپے رکھیے ڳین، فی ایکڑ پیداوار ودھاوݨ کتیے جدید ٹیکنالوجی استعمال کیتی ویسی۔ اے ڳالھ انہاں ”اے پی پی” کوں خصوصی انٹرویو اچ آکھی۔ انہاں آکھیا جو وزیراعظم دے وژن دے مطابق زراعت تے ودھ توجہ اے، متوازن خوراک دے حصول، زراعت دے سارے شعبیاں دی ترقی تے کم تھیندا پئے، درآمدات تے انحصار ڳھٹاوݨ کیتے متابدل ݙیسوں، پنجاب اچ وݙیاں فصلاں دی پیدا وار کیتے اہداف مقرر کر ݙتن، فی ایکڑ پیداوار ودھا تے 2.5 تئیں ڳھن ویسوں، سصلاں، کھیر و گوشت دی ودھ پیداوار کیتے کاشتکاراں کوں تربیت ڈتی ویسی۔ انہاں آکھیا جو وزیراعظم دی سوچ دے مطابق زرعی ٹرانسفارمیشن پلان دا مقصد زرعی شعبہ کوں ترقی ݙے تے غربت مکاوݨ، معاشی و صنعتی بحالی، سستی خوراک ݙیوݨ اتے کاشتکاراں کو کوں سہولتاں ݙیوݨ شامل اے۔
