اسلام آباد۔6جولائی (اے پی پی) وفاقی وزیر اطلاعات و نشریات چوہدری فواد حسین ممتاز ادیب، افسانہ نگار اتے کالم نگار مسعود اشعر دے انتقال تے ݙکھ تے افسوس کیتے ۔ سنوار کوں آپݨے تعزیتی بیان اچ انہاں آکھیے جو مسعود اشعر دے انتقال دی خبر سݨ تے دلی ݙکھ تھئے ،مرحوم افسانہ نگاری اتے صحافت اچ ودھ ساری خدمات انجام ݙتن، انہاں دی خدمات کوں ہمیشہ یاد رکھیا ویسی ۔ وفاقی وزیر اطلاعات آکھیے جو مرحوم علم و عمل دا حسین امتزاج ہن ، انہاں دے انتقال نال پیدا تھیوݨ آلا خلا کݙاہیں پُر نہ تھیسی ۔ انہاں دعا کیتی جو اللہ تعالیٰ مسعود اشعر مرحوم دی مغفرت فرماوے اتے لواحقین کوں اے ݙکھ برداشت کرݨ دا حوصلہ ݙیوے ۔
