اسلام آباد۔6جولائی (اے پی پی):وزیراعظم عمران خان چین دی کمیونسٹ پارٹی دے جنرل سیکرٹری اتے عوامی جمہوریہ چین دے صدر شی جن پنگ دی دعوت تے ” سی پی سی و ورلڈ پولیٹیکل پارٹیز سمٹ ” اچ اڄ منگل کوں شرکت کریسن۔ کمیونسٹ پارٹی دے جنرل سیکرٹری اتے چین دے صدر شی جن پنگ ورچوئل سربراہ اجلاس دی صدارت کریسن ۔ وچوئل سربراہ اجلاس اچ مختلف ملکاں توں 500 توں ودھ سیاسی جماعتاں تے 10 ہزار توں ودھ سیاسی کارکناں اتے نمائندیں دی شرکت دا امکان اے۔ سربراہ اجلاس اچ 21 عالمی رہنما شرکت کریسن تے ڳال وی کریسن ۔ پاکستان تحریک انصاف دے چیئرمین ، وزیراعظم عمران خان ورچوئل سمٹ توں کلیدی خطاب کریسن ۔ سمٹ دے آخر اچ تجاویز تے مبنی مشترکہ بیان جاری کیتا ویسی ۔
