اسلام آباد۔6جولائی(اے پی پی)وفاقی وزیر اطلاعات و نشریات چوہدری فواد حسین آکھیے جو لاہور بم دھماکے اچ ملوث اہم ملزمان قانون دی گرفت اچ ہین، کلبھوشن دے بعد اے ݙوڄھا وݙا ثبوت اے، بلوچستان اچ بھارت دے دہشت گردی نیٹ ورک کوں کامیابی نال تروڑیے، بلوچستان دے ناراض رہنماواں نال الایا ویسی جیندا بھارت نال رابطہ کائنی، 10 سال اچ پہلی واری کرنٹ اکائونٹ خسارے دی بجائے سرپلس اے، ٹیکسٹائل سیکٹر اپݨی مکمل استعداد نال کم کریندا پئے، غیر ملکی زرمبادلہ دے ذخائر مستحکم ہین، بینک نجی شعبے کوں ریکارڈ قرض ݙیندے پین، ٹیکس محصولات 4.7 کھرب روپے دی ریکارڈ سطح تے پڄ ڳین، تیکھے پاکستانی عوام کوں چھوٹیاں ڳاݙیاں دی قیمتاں اچ کمی نظر آسی، اے ڳالھ انہاں وزیراعظم عمران خان دی زیر صدارت کابینہ اجلاس دے بعد میڈیا بریفنگ اچ آکھی۔ وزیر اطلاعات آکھیا جو 15 جولائی تئیں الیکٹرانک ووٹنگ نظام ٻݨ ویسی، انتخابات اچ شفافیت کیتے اپوزیشن کوں اصلاحاتی ایجنڈے تے مذاکرات دیاں کئی دعوتاں ݙے چکیے ہیں، کابینہ سرکاری ملازمتاں کیتے شفاف ٹیسٹنگ نظام ٻݨاوݨ سانڳے چار رکنی ٻݨا ݙتی اے۔ وزیر اطلاعات آکھیا جو عالمی جریدے اکانومسٹ پاکستان کوں کورونا دا مقابلہ کرݨ آلا بہترین ملک قرار ݙتے۔ انہاں آکھیا جو لاہور واقعہ دیاں ٻیاں کڄھ تفصیلات آندے کڄھ ݙینھ اچ سامݨے آ ویسن، وفاقی وزیر سائنس و ٹیکنالوجی شبلی فراز کابینہ کوں الیکٹرانک ووٹنگ مشیناں دی تیاری تے پیش رفت ݙسائی۔ مشیر برائے پارلیمانی امور الیکٹرانک ووٹنگ اتے اوورسیز پاکستانیاں کوں ووٹنگ دا اختیار ݙیوݨ بارے تفصیل ݙسائی۔
