اسلام آباد۔6جولائی(اے پی پی)صدر مملکت ڈاکٹر عارف علوی آکھیے جو نسل پرستی اتے منافرت آلے ہندوتوا نظریہ دے تحت مسلماناں تے ظلم جاری رکھیندے ہوئے بھارت داخلی فساد وات آ ویسی، بھارت اچ امن دا مستقبل ایندیاں قلیتاں خاص کر مسلماناں نال سلوک نال جڑیا ہوئے۔ اے ڳالھ انہاں نیشنل ڈیفنس یونیورسٹی (این ڈی یو) دے بین الاقوامی تعلقات دے شعبہ ولوں “ہندوستان اچ ہندوتوا دی ادارہ سازی: علاقائی سلامتی دی اہمیت” سانڳے بین الاقوامی کانفرنس نال خطاب آچ آکھی۔ کانفرنس اچ امریکہ، چین، ایران، جرمنی اتے پاکستان دے دانشوراں شرکت کیتی۔ کانفرنس اچ ہندوتوا انتہا پسندی، عالمی سطح تے اسلامو فوبیا ودھارے دے رحجان تے الایا گیا۔
