ایوانِ صدر کوں آئی ایس او معیار دے مطابق ڈھالݨ کیتے اجلاس، صدر مملکت ݙاکٹر عارف علوی دا خطاب

اسلام آباد۔6جولائی(اے پی پی)صدر مملکت ڈاکٹر عارف علوی آکھیے جو کارکردگی ودھاوݨ، اخراجات ڳھٹاوݨ اتے چنڳی خدمات سانڳے سرکاری اداریاں کوں سہولیات اتے بلڈنگ مینجمنٹ دے عالمی معیارات اپناوݨے چاہیدن، ایوانِ صدر کوں آئی ایس او 41001 معیارات دے مطابق دستاویز کاری نال ایوان دی کارکردگی چنڳؤی تھیسی۔ اے ڳالھ انہاں اسلام آباد اچ ایوانِ صدر کوں آئی ایس او معیار دے مطابق ڈھالݨ کیتے اجلاس دی صدارت کریندے پئے ہن۔ صدر مملکت آکھیا جو پائیدار و ماحول دوست طریقے اپناوݨ کیتے ایوان صدر کوں ٻئے اداریاں کیتے مثالی ٻݨیسوں۔ صدر مملکت آکھیا جو جدید توانائی نظام نال سالانہ 3 کروڑ توںو دھ دی بچت تھیسی، بجلی دی کھپت 31.2 فیصد ڳھٹسی۔