عید الاضحیٰ اساکوں حضرت ابراہیم علیہ السلام دی عظیم قربانی دی یاد ݙویندی اے، سپیکر و ڈپٹی سپیکر قومی اسمبلی دی عید الاضحیٰ دے موقع تے قوم کوں مبارخ

اسلام آباد۔20جولائی (اے پی پی):سپیکر قومی اسمبلی اسد قیصر تے ڈپٹی سپیکر قاسم خان سوری عید الاضحیٰ دے موقع تے مسلم اُمہ خصوصاً پاکستانی قوم کوں مبارخ ݙتی اے ۔سپیکر و ڈپٹی سپیکر قومی اسمبلی آکھیے جو عید الاضحیٰ اساکوں حضرت ابراہیم علیہ السلام دی عظیم قربانی دی یاد ݙویندی اے جنہاں اللہ دے حکم تے آپݨے پترحضرت اسماعیل علیہ السلام دی قربانی پیش کیتی۔ سپیکر قومی اسمبلی آکھیے عید الاضحی اساکوں ایثار اتے قربانی دا درس ݙیندی اے اتے ایں موقع تے اساکوں نادار ، ضرورت مند لوکاں دی ضرورت دا خیال رکھݨا چاہیدے تے دل کھول تے انہاں دی مدد کرݨی چاہیدی اے اتے انہاں کوں آپݨیاں خوشیاں اچ رلاوݨا چاہیدے ۔