اسلام آباد۔24جولائی (اے پی پی):وفاقی وزیر اطلاعات و نشریات چوہدری فواد حسین آکھیے جو ‏نواز شریف کوں پاکستان توں ٻاہر بھیڄݨ ایں سانگے خطرناک ہئی جو ایجھے لوک بین الاقوامی سازشاں اچ مددگار بݨ ویندن ۔ ہفتے کوں اپݨے ٹویٹ اچ انہاں آکھیے جو نواز شریف دی افغانستان اچ را دے ساریں توں وݙے حلیف حمداللہ محب نال ملاقات ایجھی ہی کارروائی دی مثال اے۔ انہاں آکھیے جو مودی، محب یا امر اللہ صالح، ہر پاکستان دشمن نواز شریف دا یار اے۔