کراچی ۔24جولائی (اے پی پی):صدر مملکت ڈاکٹر عارف علوی آکھیے جو کورونا وائرس کوں روکݨ کیتے ایس او پیز تے عمل درآمد یقینی بݨایا ونڄے ، جتنا وختی تھی سڳے عوام ویکسین لواوے ، عوام این سی او سی دی ہدایات تے سختی نال عمل کرے ۔ صدر مملکت ڈاکٹر عارف علوی دی صدارت اچ گورنرہائوس وچ اعلیٰ سطحی اجلاس تھیا۔ ایں موقع تے گورنرسندھ عمران اسماعیل اتے وفاقی وزیر منصوبہ بندی و ترقی ا‎تے خصوصی اقدامات اسد عمر وی موجود ہن۔ صدر مملکت ہدایت کیتی جو گورنرسندھ محرم الحرام توں پہلے مختلف مکاتب فکر دے علماء دے ںال اجلاس دا انعقاد کرن۔ انہاں آکھیے جو محرم الحرام دے ݙینھ اچ مذہبی جاہواں تے اجتماعات اچ ایس او پیز تے عملدرآمد یقینی بݨایا ونڄے، اوکھیے ویلھے عوام ذمہ واری دا مظاہرہ کرن، موثر حکمت عملی دے ذریعہ ہی غربت دا خاتمہ اتے پائیدار ترقی ممکن اے۔ انہاں آکھیے جو کراچی اتے صوبے دے ٻئے ضلعیں دیاں ترقی دیاں سکیماں دے حوالے نال وفاقی حکومت دیاں کوششاں قابل ستائش ہن ۔ اجلاس اچ رکن قومی اسمبلی جے پرکاش، رکن سندھ اسمبلی فردوس شمیم نقوی، سعید آفریدی، خرم شیر زمان، بلال غفار اتے سندھ اسمبلی اچ اپوزیشن لیڈر حلیم عادل شیخ وی شریک ہن ۔