پاکستان ریلوے کوں بہتر بݨا تے اینکوں منافع بخش ادارہ بݨاوݨ چاہندوں ، وفاقی وزیر ریلوے اعظم سواتی

اسلام آباد۔15ستمبر (اے پی پی):وفاقی وزیر ریلوے اعظم سواتی آکھیے جو پاکستان ریلوے کوں بہتر بݨاوݨا اے تے اینکوں منافع بخش ادارہ بݨاوݨ چاہندوں ، ریلوے کوں بہتر بݨاوݨ دی کوشش کریندے پیوں تے کریندے رہ ویسوں ،ریلوے دے ہسپتالاں کوں ݙیکھ تے افسوس تھیندے ، ہسپتالاں کوں مزید بہتر اتے اپ گریڈ کریندے پیوں ، اے ڳال انہاں اسلام آباد دے مقامی ہوٹل اچ پبلک پرائیویٹ پارٹنرشپ دے تحت پاکستان ریلوے دے ہستپالاں دی توسیع ، بحالی اتے اپ گریڈیشن دی تقریب توں خطاب کریندے ہوئیں آکھی اے ، وفاقی وزیر آکھیے جو جݙاں توں ریلوے دا وزیر بݨیاں وزیراعظم عمرا ن خان دے ݙتے ہوئے ٹاسک تے کم کرݨ دی کوشش کریندا پیاں ہݨ ریلوے کوں منافع بخش ادار ہ بݨاوݨ چاہندوں انہاں آکھیے جو میں تے میݙی ٹیم پچھلے 8 مہینے توں ریلوے دی بہتری کیتے ٻہوں کم کیتے او ویلھا نیڑے ہے جو ایں ادارے کوں مزید بہتر ادارہ بݨیسوں ۔