ملتان۔15ستمبر (اے پی پی):برصغیر دے عظیم روحانی پیشوا شیخ الاسلام حضرت غوث بہاءالدین زکریا سہروردی ملتانی ؒ دے 782 ویں سالانہ عرس دی ترائے ݙینھ دی تقریبات بدھ کوں مک ڳئن ۔دربارعالیہ دے سجادہ نشین مخدوم شاہ محمودقریشی مزارتے حاضری ݙتی تے پھلاں دی چادر چڑھائی ۔عرس دی اختتامی تقریب توں خطاب کریندے ہوئیں شاہ محمودقریشی دعا کرویندے ہوئیں آکھیے جو میکوں ایں ڳال دا احساس اے جو عرس اچ پورے ملک توں زائرین شرکت کرݨ چاہندے ہن مگر کوروناوبا دے پیش نظر عرس دی تقریبات کوں محدود کرݨا پیا ۔جیڑھا جو زائرین خواہش دے باوجود شرکت نہ کرسڳئے انہاں کیتے دعا کریندوں جو اللہ تعالی انہاں سودھے ساری امت مسلمہ دی جائز حاجات قبول فرماوے اتے سارے مسائل توں نجات ݙیوے ۔
