اسلام آباد۔15ستمبر(اے پی پی)وفاقی وزیر برائے انسانی حقوق ڈاکٹر شیریں مزاری آکھیے جو اپوزیشن ہر بل تے سیاست کھیݙدی پئی اے اتے آپݨی چوری بچاوݨ کیتے حکومت کوں ہر ڄاہ تے کھپیندی اے، جیڑھا وی الیکشن ہردے دھاندلی دا الزام لا ڈیندے، ای وی ایم دا سݨ تے اپوزیشن کوں دورے پووݨ لڳ ڳین۔ اے ڳالھ انہاں اسلام آباد اچ یوم جمہوریت سانڳے ہک تقریب نال خطاب کریندے آکھی۔ انہاں آکھیا جو ملک اچ جمہوریت آندی پئی اے، ایں سانڳے ساریاں سیاسی جماعتاں کوں اپݨا آئینی و جمہوری کردار ادا کرݨا چاہیدے۔ تقریب نال وفاقی وزیر منصوبہ بندی اتے ترقی و اصلاحات اسد عمر وی خطاب کیتے۔