اسلام آباد۔16ستمبر (اے پی پی):صدر مملکت ڈاکٹر عارف علوی تاجراں اتے صنعتکاراں تے زور ݙتے جو و تریمتاں تے معذور لوکاں کوں آپݨے اداریں اچ ملازمت ݙے تے انہاں دی مالی شمولیت تے بااختیار بݨاوݨ دیاں کوششاں اچ آپݨا کردار نبھاون ، حکومت آپݨا کاروبار کیتے کامیاب جوان پروگرام دے تحت 100 ارب روپے رکھئن ، نینگر، تریمتاں تے خصوصی لوکاں کوں قرضے ݙیوݨ اچ سہولت تے ݙیوݨ دی لوڑھ اے ، اے ڳال انہاں سیالکوٹ چیمبر آف کامرس اینڈ انڈسٹری دے وفد ںال ھک ملاقات وچ آکھی اے جنہاں چیمبر دے صدر قیصر اقبال بریار دی قیادت اچ ایوان صدر اچ انہاں نال ملاقات کیتی ۔ وفد صدر کوں سیالکوٹ چیمبر آف کامرس اینڈ انڈسٹری دی برآمدی صلاحیت اتے ملک دی سماجی و اقتصادی ترقی اچ ایندی شراکت بارے ݙسایا ، قیصر اقبال بریار صدر مملکت کوں سیالکوٹ دی تاجر برادری کوں پیش آندے کجھ مسئلیں بارے ݙسیا ، صدر ڈاکٹر عارف علوی وفد کوں یقین ݙیوائے جو سیالکوٹ چیمبر آف کامرس اینڈ انڈسٹری کوں پیش آندے مسئلیں کوں حل کیتے ضروری مدد کیتی ویسی ۔
