پاکستان اچ کورونا ویکسین دی ہک خوراک لواوݨ آلیآں دی شرح 48 فیصد تھی ڳئی اے، وفاقی وزیر اسد عمر

اسلام آباد۔4نومبر(اے پی پی)وفاقی وزیر برائے منصوبہ بندی ترقی واصلاحات وخصوصی اقدامات اسدعمر آکھیے پاکستان اچ کورونا ویکسین دی ہک خوراک لواوݨ آلیاں دی اوسط شرح 48 فیصد تئیں پڄ گئی اے اتے پنجاب 50 فیصد توں ودھ آبادی کوں کورونا ویکسین دی ہک ڈوز لواوݨ آلا پہلاصوبہ ٻݨ ڳئے۔ ٹویٹ اچ انہاں آکھیے جو پنجاب پہلا صوبہ اے جتھاں 50 فیصد توں ودھ اہل آبادی کوں ہک ڈوز لائی ڳئی اے، ہک خوراک لواوݨ آلیاں دی پنجاب اچ شرح 52 فیصد اے۔ اسلام آباد اچ ہک ݙوز دی شرح 87 فیصد اے۔ انہاں آکھیا جو پاکستان اچ کورونا ویکسین دی ہک خوراک لواوݨ آلیاں دی اوسط شرح 48 فیصد تئیں پڄ ڳئی اے۔