حکومت دے مثبت اقدامات پاروں ملکی معیشت اچ بہتری امدی پئی اے، تریمتیں کوں احساس کیش پروگرام دے تحت رقم بینک اکائونٹ توں کرݨ کیتے کوششاں کریندے پیوں، صدر مملکت ڈاکٹر عارف علوی دا کوئٹہ اچ تقریب توں خطاب

کوئٹہ۔16نومبر (اے پی پی) صدر مملکت ڈاکٹر عارف علوی آکھیا جو اسلامی فلاحی ریاست پہلے ݙٰنھ توں پی ٹی آئی دے منشور دا حصہ اے، حکومت دے مثبت اقدامات پاروں ملکی معیشت اچ بہتری امدی پئی اے، تریمتیں کوں احساس کیش پروگرام دے تحت رقم بینک اکائونٹ توں کرݨ کیتے کوششاں کریندے پیوں، بلوچستان توں ترائے لکھ 38 ہزار غریب ٹبر ایں پروگرام اچ شامل ہن۔ تریمتیں کوں معاشی اعتبار نال مستحکم کرݨا پمسی ۔ صدرمملکت اے ڳالھیں کوئٹہ اچ احساس کفالت کیش اتے احساس انڈر گریجویٹ سکالر شپ سرٹیفیکٹس دی تقسیم بارے تھیوݨ آلی تقریب نال خطاب کریندیں ہوئیں آکھی۔ ۔ تقریب نال گورنر بلوچستان سید ظہور احمد آغا اتے ڈائریکٹر جنرل بی آئی ایس پی بلوچستان عبدالجبار وی خطاب کیتا۔