اسلام آباد۔23نومبر (اے پی پی) پاکستان فروری 2019 اچ پاکستانی ایف سولہ طیارہ ݙھاوݨ بارے بھارتی دعویاں کوں مسترد کر ݙتا، پائلٹ کوں ایوارڈ ݙیوݨ بھارتی کوڑ دا کلاسیک کیس، مقامی لوکاں کوں مطمئن کرݨ اتے شرمندگی کوں لُکاوݨ کیتے خاصی کھلاوݨی کہانی اے۔ ایجھے فوجی اعزاز ݙیوݨ نال بھارت صرف آپݨا مذاق ٻݨیندا پئے۔ منگل کوں دفتر خارجہ دے ترجمان فروری 2019 اچ آزاد کشمیر اچ گرفتاربھارتی پائلٹ کوں نویں دہلی حکومت ولوں بہادری دا ایوارڈ ݙیوݨ تے سخت رد عمل دا اظہار کریندیں ہوئیں آکھیا جو پائلٹ کوں ایوارڈ ݙیوݨ بھارتی کوڑ دا کلاسیک کیس، مقامی لوکاں کوں مطمئن کرݨ اتے شرمندگی کوں لُکاوݨ کیتے خاصی کھلاوݨی کہانی اے۔ترجمان آکھیا جو عالمی ماہریدن اتے امریکی حکام پہلے ای تصدیق کر چکین جو پاکستانی ایف سولہاں طیاریاں دا جائزہ ڳھنݨ دے بعد اوں ݙینھ کوئی پاکستانی ایف سولہاں طیارہ کائںی ماریا ڳیا۔ ترجمان آکھیا جو ہک ڳالھ نشابر اے جو بھارتی دی ایں کہانی دی بین الاقوامی برادری اچ کوئی حیثیت کائنی۔
