اسلام آباد۔23نومبر (اے پی پی) صدر مملکت ڈاکٹر عارف علوی آکھیا جو ٻاہرلے ملک رہوݨ آلے پاکستانیاں کیتے سوکھا آن لائن ووٹنگ سسٹم شروع کرݨ دی کوشش کریندے پیوں۔ منگل کوں ٻاہرلے ملک رہوݨ آلے پاکستانیاں توں خطاب کریندیں ہوئیں آکھیا جو تارکین وطن دا قومی معیشت اچ اہم کردار اے، انہاں کوں حق رائے دہی توں محروم کرݨ انہاں نال وݙا امتیازی سلوک تھی سڳدے۔ انہاں آکھیا جو الیکشن کمیشن آف پاکستان (ای سی پی) اتے نیشنل ڈیٹا بیس اینڈ رجسٹریشن اتھارٹی (نادرا) شفاف طریقے نال ووٹر لسٹاں ٻݨاوݨ بارے تعاون کریندے پئن۔ انہاں آکھیا جو سمندر پار پاکستانیاں کیتے پوسٹل بیلٹ اتے سفارت خانیاں اچ عملی پولنگ نال ووٹ ݙیوݨ بارے پیچیدگیاں ہن، انٹرنیٹ ووٹنگ ٻاہرلے ملک رہوݨ آلے پاکستانیاں کیتے ووٹ پاوݨ دا ساریاں توں سوکھا اتے قابل عمل طریقہ اے۔ انہاں آکھیا جو ٻاہرلے ملک رہوݨ آلے پاکستانیاں کیتے سوکھا آن لائن ووٹنگ سسٹم شروع کرݨ دی کوشش کریندے پیوں۔
