اسلام آباد۔24نومبر (اے پی پی) وزیراعظم دی معاون خصوصی سینیٹر ڈاکٹر ثانیہ نشتر آکھیا جو احساس راشن رعایت پروگرام اچ نیشنل بنک دا کردار مثالی ھے ، 120 ارب روپے دے سبسڈی پروگرام نال 6 مہینے اچ ݙو کروڑ ٹبراں دی معاونت کیتی ویسی۔ میڈیا نال ڳالھ مہاڑ کریندیں ہوئیں انہاں آکھیا جو ، 120 ارب روپے دے سبسڈی پروگرام نال 6 مہینے اچ ݙو کروڑ ٹبراں دی معاونت کیتی ویسی۔ اٹا، دالیں اتے گھیو آئل تے ہر ٹبر کوں ہک ہزار روپے دی رعایت ݙتی ویندی پئی اے۔ ایں پروگرام تے عملدرآمد کیتے پارٹنر نیشنل بنک آف پاکستان اے۔ اتے انہاں کوں خؤشی اے جو او نیشنل بینک نال کم کریندے پئن۔ نیشنل بینک دا عملہ ایں پروگرام اچ پورا تعاون کریندا پئے۔ ایں ویلھے پروگرام دی رجسٹریشن کیتی ویندی پئی اے اتے اے عمل 10 دسمبر تئیں جاری رہسی۔
