اسلام آباد۔24نومبر(اے پی پی)وزیر خارجہ مخدوم شاہ محمود قریشی آکھیے جو پاکستان مختلف مذاہب، ثقافتاں اتے تہذیباں وچال امن اتے بھرا بھرپی ودھاوݨ چاہندے، مغرب اظہار رائے دی آزادی دے غلط استعمال دی حوصلہ افزائی نہ کرے، اسلام امن دا دین اے ڄیڑھا تشدد اتے انتہا پسندی نئیں منیندا۔ اے ڳالھ انہاں عالمی بین المذاہب امن کانفرنس نال خطاب اچ آکھی۔ انہاں آکھیا جو انتہا پسندی، بالادست نظریات، تنازعات اتے دیرینہ ڄھیڑیاں آلے ڄڳ اچ بین المذاہب ہم آہنگی ٻہوں اہمیت ڳھن ڳھدی اے، شرانگیز پراپیگنڈے دے باوجود ڄڳ اچ اے احساس ودھدا پئے جو اسلام امن دا دین اے اتے امن سکھیندے، اے کݙاھیں وی کہیں تشدد دی حوصلہ افزائی نئیں کریندا، اسلام نسلی برتری دے نظریات اتے رنگ ونسل دی بنیاد تےو انڄھ کوں سختی نال مسترد کریندے۔ وزیر خارجہ آکھے جو تہذیباں وچال حقیقی مکالمے اتے بین المذاہب ہم آہنگی دی اڄس اکوں ٻہوں وݙی لوڑھ اے۔
