اسلام آباد۔26نومبر (اے پی پی) صدر مملکت ڈاکٹر عارف علوی اقتصادی تعاون تنظیم دے 15ویں سربراہ اجلاس اچ شریک تھیسن، اجلاس 28 نومبر کوں اشک آباد اچ تھیسی ۔ جمعے کوں ایوان صدر دے پریس ونگ توں جاری بیان دے مطابق صدر مملکت اقتصادی تعاون تنظیم دے سربراہ اجلاس دے ابتدائی سیشن توں وی خطاب کریسن۔ ترکمانستان دے صدر 15 ویں سربراہ اجلاس دی صدارت کریسن۔ اقتصادی تعاون تنظیم دے سربراہ اجلاس دا موضوع ”مستقبل میں ایک ساتھ“ ھے۔
