دنیا اچ ہݨ ہتھیاراں دی بجائے بیانیہ دی جنگ لڑی ویندی پئی اے، جئیں دا بیانیہ جتنا مضبوط ہوسی، اوندی اتنی اہمیت ہوسی، وفاقی وزیر اطلاعات چوہدری فواد حسین دا اے پی پی دی ڈیجیٹلائزیشن منصوبے دے تحت بھرتی تھیوݨ آلی ملازمین دی تعارفی تقریب توں خطاب

APP52-170821 ISLAMABAD: August 17 - Federal Minister for Information and Broadcasting, Chaudhary Fawad Hussain briefing to media persons about the decisions taken in Federal Cabinet meeting. APP

اسلام آباد۔26نومبر (اے پی پی) وفاقی وزیر اطلاعات تے نشریات چوہدری فواد حسین آکھیا جو دنیا اچ ہݨ ہتھیاراں دی بجائے بیانیہ دی جنگ لڑی ویندی پئی اے، جئیں دا بیانیہ جتنا مضبوط ہوسی، اوندی اتنی اہمیت ہوسی، بیانیہ نال اساں آپݨا موقف بہتر طریقے نال پیش کر سڳدوں۔ 2018 ء اچ جئیں ویلھے اساݙی حکومت آئی تاں ریاستی میڈیا دی ڈیجیٹلائزیشن کیتے کم شروع کیتا۔ اے پی پی کوں عالمی خبررساں اداریاں دی طرز تے ڈیجیٹل نیوز ایجنسی ٻݨاوݨ کیتے عملی کم کیتے ڳئے۔ اے ڳالھیں انہاں دا اے پی پی دی ڈیجیٹلائزیشن منصوبے دے تحت بھرتی تھیوݨ آلی ملازمین دی تعارفی تقریب توں خطاب کریندیں ہوئیں آکھی۔ ایں موقع تے منیجنگ ڈائریکٹر اے پی پی مبشر حسن، ایگزیکٹو ڈائریکٹر عدیلہ رباب کاظمی، انفارمیشن سروسز اکیڈمی دے ڈائریکٹر جنرل سعید جاوید اتے اے پی پی دے سینئر افسر وی موجود ہن۔ چوہدری فواد حسین آکھیا جو پاکستان تحریک انصاف دی حکومت اچ پہلی واری میرٹ تے بھرتیاں تھیندیاں پئن۔ 2018ء اچ جو سوچیا، اڄ الحمداللہ اونکوں پورا تھیندا ݙیکھداں پیاںَ انہاں اے پی پی اچ بھرتی تھیوݨ آلے نویں ملازمتاں کوں مبارخ ݙتی۔ وفاقی وزیر اطلاعات اڄوکی حکومت دے وژن کوں عملی جامہ پواوݨ کیتے انتھک کوششاں کرݨ تے منیجنگ ڈائریکٹر اے پی پی مبشر حسن اتے انہاں دی ٹیم دی محنت اتے کوششاں دی تعریف کیتی۔ ایں موقع تے ݙسیا ڳیا جو اے پی پی دے نیوز آپریشن دی ری سٹرکچرنگ اتے ڈیجیٹلائزیشن بارے 789.79 ملین روپے لاگت دے ایں منصوبے دے تحت بھرتیاں کیتے نیشنل یونیورسٹی آف سائنس اینڈ ٹیکنالوجی (نسٹ) دے ذریعے ٹیسٹ تھیا، اعلیٰ پیشہ ورانہ مہارت دے ماہرین ٹیسٹ اچ کامیاب تھیوݨ آلے امیدواراں دے انٹرویوز کیتے اتے بھرتی دے عمل کوں شفاف ٻݨاوݨ کیتے امیدواراں دے انٹرویوز دے آڈیو اتے ویڈیو ریکارڈنگ وی کیتی ڳئی۔ ۔ ڈیجیٹل میڈیا دے تقاضیاں کوں ݙیکھدیں ہوئیں پہلی واری ریسرچرز، سوشل میڈیا کانٹینٹ رائٹرز، گرافک ڈیزائنرز جیھی مخٹلف اسامیاں تے باصلاحیت لوکاں کوں بھرتی کیتا ڳئے۔