اسلام آباد۔26نومبر (اے پی پی) وزیراعظم عمران خان کوں ازبک صدر شوکت مرزیوف جمعے کوں ٹیلی فون کیتا اتے ݙوہیں رہنماواں ݙو پاسہ تعلقات اچ پیشرفت تے اطمینان کیتا۔ وزیراعظم آفس دے میڈیا ونگ توں جاری بیان دے مطابق وزیراعظم سانجھے اہداف اتے مقاصد کیتے مختلف شعبیاں اچ استعداد توں فائدہ چاوݨ دی لوڑھ تے زور ݙتا۔ وزیراعظم آکھیا جو ترجیحی تجارتی معاہدے کوں جلدی پورا کرݨ کیتے ݙو پاسہ اقتصادی تعلقات ودھاوݨ دی لوڑھ اے۔ وزیراعظم عمران خان دا ٹرانس افغان ریلوے منصوبے کوں ویلھے تے پورا کرݨ دا عزم کیتا۔ ازبک صدر ، وزیراعظم ولوں پاکستان دے دورے دی دعوت قبول کرڳھدی۔
