لاہور۔26نومبر(اے پی پی)وزیراعلی پنجاب سردار عثمان بزدار پنجاب اچ ائیر ایمبولینس سروس شروع کرݨ دی سمری منظور کر ڳھدی اے۔ ریسکیو1122 ائیرایمبولینس سروس شروع کرݨ دے قواعد وضوابط دے تحت ٹینڈر جاری کریسی۔ وزیر اعلیٰ ائیرایمبولینس سروس تیکھءے شروع کرݨ اور پائلٹ سٹاف لاوݨ دی ہدایت کیتی اے جو ائیرایمبولینس اچ پیرا میڈکس، ریسکیور اتے جان بچاوݨ کیتے سارے ضروری آلات ہوون تاں جو دور پرے دے علاقیاں توں مریضاں کوں ویلھے تے ہسپتالاں اچ منتقل کرݨ کیتے سوکھ ملس سڳے۔ جدید ترین ائیر ایمبولینس ہائی وے اتے موٹروے تے وی لیہہ اتے اݙ سڳسی۔ پنجاب ائیر ایمبولینس شروع کرݨ آلا پاکستان اتے خطے دا پہلا صوبہ ہوسی۔ ایئر ایمبولینس دی منظوری وزیراعلی عثمان بزدار دی اڳواݨی اچ اجلاس اچ سمری دی منظوری ݙتی ڳئی۔ ترجمان پنجاب حکومت حسان خاور، ایڈیشنل چیف سیکرٹری پنجاب، چیئرمین منصوبہ بندی و ترقیات، پرنسپل سیکرٹری وزیراعلی، ڈائریکٹر جنرل ریسکیو 1122 اتے متعلقہ حکام اجلاس اچ شرکت کیتی۔
