اسلام آباد۔26نومبر(اے پی پی)وزیر اعظم عمران خان آکھیے جو سندھ دے ترقیاتی منصوبیاں کوں ویلھے تے مکمل کرݨ، شفافیت اتے معیار یقینی ٻݨائے ونڄن، سندھ دے 14 ڳھٹ ترقی یافتہ علاقیاں دی سماجی اقتصادی ترقی ساݙا مقصد اے۔ اے ڳالھ انہاں اسلام آباد اچ سندھ ترقیاتی پلان سانڳے جائزہ اجلاس دی اڳواݨی کریندے آکھی۔ اجلاس اچ وفاقی وزراء ڈاکٹر فہمیدہ مرزا، اسد عمر اتے محمد حماد اظہر شرکت کیتی۔ وزیراعظم آکھیا جو سندھ ترقیاتی پلان دا مقصد 14 اضلاع دے واسیاں دی معاشی و معاشرتی ترقی اے، منصوبے ویلھے تے شفافیت نال مکمل تھیوݨے چاہیدن، مالی سال 22-2021 کیتے پلان دے تحت 26 ترقیاتی منصوبے منظور تھین اتے ایں سانڳے 8 وفاقی وزارتاں اتےر محکماں کوں 16.304 ارب روپے ݙیوݨ دی منظوری ݙتی ڳئی اے۔ پلان اچ سڑکاں، موٹر وے، ہاوسنگ، آئی ٹی و ٹیلی کام، آبی وسائل، صحت، اعلی تعلیم، وکیشنل ٹریننگ، ڈیزاسٹر مینجمنٹ، ریلوے، توانائی اتے کھیݙاں دی سہولیات دے منصوبے شامل ہین۔
