راولپنڈی۔26نومبر(اے پی پی)آرمی چیف جنرل قمر جاوید باجوہ آرمی میڈیکل کور سنٹر ایبٹ آباد دا دورہ کیتے اتے یادگار شہدا تے فاتحہ پڑھی۔ پاک فوج دے شعبہ تعلقات عامہ(آئی ایس پی آر) دے مطابق سپہ سالار جنرل قمر جاوید باجوہ آرمی میڈیکل کور سنٹر ایبٹ آباد اچ اے ایم سی دی پہلی تریمت کرنل کمانڈنٹ لیفٹیننٹ جنرل نگار جوہر کوں بیجز لائن۔ آرمی چیف امن و جنگ ویلھے صحت دیاں چنڳیاں سہولتاں ݙیوݨ خاص کر کرونا نال نبڑݨ کیتے اقدامات تے تعریف کیتی۔ انہاں آکھیا جو پہلی تھری سٹار جنرل دی بطور کرنل کمانڈنٹ اے ایم سی پاکستان کیتے قابل فخر اے۔ آئی ایس پی آر دے مطابق جنرل قمر جاوید باجوہ آکھیا جو ڈاکٹرز اتے پیرامیڈیکس سٹاف عوام دے تحفظ اتے بہبود کیتے پر عزم ہیں، تھری سٹار تریمت جنرل کوں کرنل کمانڈنٹ ٻݨݨ تے فوج اتے قوم کوں ماݨ اے، چیف ڈاکٹرز، پیرامیڈیکس سٹاف میڈیکل سائنسز اچ طبی رجحانات اپناون۔
