ملتان۔30جنوری (اے پی پی):چولستان جیپ ریلی 9 فروری توں شروع تھیسی ۔ٹی ڈی سی پی دے ڈپٹی منیجر شیخ اعجاز اے پی پی کوں ݙسایا جو 17ویں چولستان ڈیزرٹ جیپ ریلی 9 فروری توں شروع کیتی ویسی جیں کیتے روٹ کوں حتمی شکل ݙے ݙتی ڳئی اے۔انہاں ݙسایا جو 9 توں 13 فروری دی 5 ݙینھ وار جیپ ریلی دیاں تیاریاں دے سلسلے اچ بہاولپور اتے بہاولنگر ضلعیں اچ 425 کلومیٹر دے فاصلے تے مشتمل 2روٹس کوں حتمی شکل ݙتی ڳئی اے ، انہاں ݙسایا جو جیپ ریلی کیتے گاݙیاں دی رجسٹریشن اتے تکنیکی جانچ 9 فروری کوں ٹی ڈی سی پی ریزورٹ ڈیراور اچ تھیسی سارے کیٹیگریز دا کوالیفائنگ راونڈ 10 فروری کوں تھیسی جݙاں جو پہلا راونڈ موڈیفائیڈ کیٹیگری ریس 11 فروری کوں منعقد تھیسی ایں طرح سٹاک، ویمن کیٹیگری ریس اتے ڈرٹ بائیک ریس 12 فروری ، کیٹگری اتے پیرا گلائیڈنگ ریس چھیکڑی ݙینھ منعقد کیتی ویسی ۔ انہاں مزید ݙسیا جو امید اے تقریباً 150 ریسرز جیپ ریلی اچ شرکت کریسن ۔
